طريقة عمل سي في cv احترافي وتحميل نماذج cv

وانتا بتعمل السي في لازم تعرف هتكتب اية ..يعني مثلا معلوماتك الشخصية والكورسات والخبرات والتدريب و و و وتكون مجهزهم الاول كدا في ملف ومظبط المضمون وخلي ترتيب السي في المرحلة اللي بعدها …

نيجي بقي لطريقة عمل سي في احترافي , قبل بقي ما تبدأ تكتب السي في لازم تعرف شوية اساسيات كدا زي اسمك :

1.السي في زي ما قلنا هو بيبن شخصيتك فلازم يكون السي في بسيط ومرتب عشان يجذب الHR انه يكمل قرايتة لان الHR بيكون جايله الوفات السفيهات وبيبص بصة سريعة الاول ..واللي السي في بتاعة بييان انه منظم ومرتب وموضح البيانات كويس بيتحط علي جنب عشان يرجعله .

2.متحاولش تحشي السي في , السي في بيتحط في الاساسيات فقط مش هتشرح بإستفاضة , الشرح بإستفاضة لما يكلمولك للانترفيو.

3.بخصوص الخط متكتبش بنوع خط غريب حاول متخرجش عن (Times New Roman أو Arial ) وميكنش الحجم اوفر , استخدم حجم خط 12 في الكلام وفي العناوين استخدم مثلا حجم 14 ..وبلاش تعمل زكي وتكبر الخط وتحط مسافات بالهبل بين فقرات السي في عشان بيكون مكشوف ..

4.متكررش البيانات ..يعني تكتب اسمك مرة واحد فوق بخط واضح ويكون ثلاثي كفاية اوي …مش لازم تكتب اسمك خماسي مرة فوق ومرة تحت ومرة في البيانات ..مش استمارة بطاقة هي .

5.متحطش بيانات تبين انك مش لماح ..زي اية ! زي موضوع النوع ذكر وانثي ..يعني ميكنش اسمك فوزي وحاطط صورتك بشنب وتكتب النوع ذكر ! النوع مبيتكبتش إلا لو اسمك ينفع للجنسين ( زي نور و وسام ورضا ..الخ ) ومش حاطين صورة .

6.متكبتش السن اكتب تاريخ الميلاد عشان ممكن السي في بتاعك يتشاف في شركة بعد فترة يكون سنك اتغير فيها ومتكبتش معلومات مش مفيدة …كفاية الاسم الثلاثي والعنوان ورقم تليفون واحد او اتنين اقصي حاجة والايميل .

7.ابعتد تماما عن استخدام الإطارات والالوان ..السي في مش كراسة رسم .

8.لو هتحط صورة بلاش صورتك في فرح صحبك ..ياتحط صورة رسمية يامتحطش دي انطباع كويس يامتحطش عشان ممكن تترفض من انبطاع الصورة..والبنات متحطش صورة خالص إلا لو طلب ذلك في التقديم للوظيفة .

9.في المؤهلات متكتبش مؤهلاتك قبل الجامعية ..ابدء من البكالوريوس فقط ولو معاك مؤ

هل واحد متعملوش في 10 نقط تحت بعض ..يعني متكبتش السطر الاول انك بكالوريس تجارة والسطر التاني التقدير والتالت القسم والرابع النسبة والخامس فول والسادس طعمية …كفاية سطرين تكتب فيهم ما يخص المؤهل .

10.المؤهلات والخبرات والكورسات بتتكب من الاحدث فوق للاقدم تحت ..يعين اخر مؤهل حصلت عليه ماجيستير مثلا اكتبه فوق وتحته البكالوريوس وكذلك الخبرات والكورسات ( دا عشان الHR بيكون عايز يشوف اخر حاجة وصلتلها اية من اول نظرة )

11.وانتا بتكتب الخبرات حاول لازم توضح بيانتها كويس ..اسم الشركة والفترة من كذا لكذا ..وتكتب المهام اللي كنت بتعملها بدون استفاضة , فقط نقاط بسيطة .

12.حاول متكنش Fake يعني حوار انك بتشتغل تحت ضغط دا مبقاش ميزة خالص وموضوع القدرة علي العمل مع فريق دا من ايام التنين لما كان بيطلع نار …

13.موضوع انك بتحب الكورة والسباحة وبتشجع الاهلي وبتعرف تعمل خطة برشلونة دا ملوش اي صنف اللازمة ..احتفظ بالهوايات الشخصية لنفسك .

14. متحاولش تجود في البيانات …يعني متقوليش انك معاك ICDL وبعدين تقلي بعرف اشتغل ورد واكسل ..ماهو ICDL دي شهادة بتفيد انك حاصل علي ورد واكسل وبوربوينت …الخ إلا لو معاك كورس ادفانسد اكتبه .

15. لو انت راجل خبرة اكتب Summary بسيط في اول السي في من سطرين تلاته وبعدها اكتب الخبرات وبعدين المؤهلات ..ولو انت حديث تخرج اكتب objective ميكنش منقول عشر تلاف مرة قبل كدا ..حاول تعمل حاجة خاصة لنفسك.

16.مش شرط خالص ان السي في يكون من اكتر من صفحة يعني لو حديث تخرج اكتب مؤهلاتك عادي جدا ومهارات واللغات وبس الاتش ار فاهمين انك لسة خريج جديد.

طيب الناس اللي بتسأل بقي على نماذج تحملها ..دا لينك في حوالي 5 نماذج , نماذج يعني لازم تعدل عليها مش في البيانات فقط ..لأ لأ في البيانات والشكل وتضيف وتشيل ..دي فقط كدا عشان تشوف شكل عام وتحددلك شوية حاجات مش اكتر …

لينكات التحميل :

لو عايز تحمل النصايح اللي فوق علي موبايلك :

لو عايز تحمل نماذج السفيهات الإفتراضية :
اضغط هنا
البوست اللي جاي هنوضح فيه ازاي تبعت بقي الCV بصيغة PDF لاي شركة والشركة تكلمك ومش تطنشك وازاي تبعت ايميل بشكل محترف وتتلاشي ان الشركات متكلمش عشان مش عارف تبعت ايميل بشكل محترف ….

عشان تتابع البوستات الجديدة اعمل ادخل هنا
H.Elgharabawy
واعمل Follow ( متابعة )
شير لو استقدت ….